Per simplifitgar il diever vegn applitgà en quest document la furma masculina. Quella includa implicit era la furma feminina. - PDF

Description
Reglament per la Festa svizra da chant 2015 Meiringen Per simplifitgar il diever vegn applitgà en quest document la furma masculina. Quella includa implicit era la furma feminina. 1. Finamira La Festa

Please download to get full document.

View again

of 3
All materials on our website are shared by users. If you have any questions about copyright issues, please report us to resolve them. We are always happy to assist you.
Information
Category:

Short Stories

Publish on:

Views: 16 | Pages: 3

Extension: PDF | Download: 0

Share
Transcript
Reglament per la Festa svizra da chant 2015 Meiringen Per simplifitgar il diever vegn applitgà en quest document la furma masculina. Quella includa implicit era la furma feminina. 1. Finamira La Festa svizra da chant promova la cultura svizra da chors atras scuntrada, inspiraziun vicendaivla, stimulaziun e barat tranter ils chors. La Festa svizra da chant è in maletg da la ritgezza musicala e da la diversitad regiunala dals chors svizzers. La Festa svizra da chant è ina plattafurma attractiva per preschentaziuns individualas dals chors participants. Ella promova cumposiziuns svizras per chors. 2. Cundiziuns generalas La Festa svizra da chant stgaffescha differentas spiertas da concert e da scuntrada, sco concerts da scuntrada, concerts festivs, chantar davant experts, ateliers e lieus sonors. Igl n ha betg lieu ina concurrenza. Ils organisaturs sa stentan che participants da tuttas regiuns linguisticas èn represchentads. L Uniun svizra da chors (USC) edescha per quest eveniment in «songbook» cun cumposiziuns novas ed ulteriura litteratura per tuts geners da chors. 3. Participaziun La participaziun a la Festa svizra da chant 2015 è averta per tuts chors e cuminanzas da chors da tuttas regiuns linguisticas e culturalas da la Svizra. Davart la participaziun da chors da l exteriur decida il comite d organisaziun (CO). Il dumber maximal da participants sa drizza tenor las circumstanzas localas. La segiranza è chaussa dals participants. L organisatur refusa tutta respunsabladad. 4. Chantar davant experts Ils chors u las cuminanzas da chors che sa participeschan a la Festa svizra da chant han la pussaivladad da chantar davant experts. Sco preparaziun ha mintga chor a disposiziun durant 45 minutas in local separà cun in instrument a tastas. La producziun davant ils experts da l USC cuzza maximal 12 minutas. Durant quellas duai vegnir preschentà in program varià dad almain trais ovras cun u senza accumpagnament instrumental, da quai sto almain ina chanzun vegnir chantada a cappella. Igl è a disposiziun in clavazin acustic u ala, dentant betg in implant d amplifitgar il tun. En il decurs da l emprim quartal 2015 vegnan ils chors che sa participeschan a la part «Chantar davant experts» ed ulteriurs interessads envidads ad in termin al lieu cun barat d infurmaziuns moderà da l expert principal e commembers dal CO. 4.1. Discurs cun ils experts Suenter lur producziun (il medem di) fan ils experts in discurs da 15 minutas cun ils chors u cuminanzas da chors participants. Da quest temp pon las emprimas u las davosas 5 minutas vegnir duvradas per in discurs separà cun il manader dal chor. I na vegnan betg fatgas expertisas a scrit, ils chors u cuminanzas da chors pon protocolar e/u registrar ils discurs Basa dal giudicament Ils chors vegnan giuditgads tenor document A (C) da l USC. Quest document è accessibel e po vegnir telechargià da la pagina d internet da l USC (http://www.uscscv.ch/index.php?p=expertens&l=de), («Manual 1 Singen vor Experten»). 4.3 Predicats e diploms Sulettamain sin giavisch (tar l annunzia) retschaivan ils chors in predicat per lur producziun. Quel vegn communitgà a chaschun dal discurs cun ils experts. Il predicat na sa betg vegnir contestà. Mintga chor retschaiva in diplom da la participaziun. Ils predicats na vegnan betg publitgads. Ils predicats èn: excellent, fitg bun, bun, cuntantaivel, mal. Tar chors che na giavischan in predicat, vegn remartgà en il diplom da participaziun «Il chor n ha betg giavischà in predicat». 4.4 Partituras Mintga chor trametta enfin ils 1 da mars 2015 al CO Festa svizra da chant 2015 quatter partituras da sias chanzuns da producziun. Ellas duajan esser cumplettas, bain legiblas e per regla partituras originalas ed includer eventualas vuschs instrumentalas. Las partituras inoltradas restan en possess da l USC. Il chor è responsabel per eventualas pretensiuns da dretgs d autur. 5. Concerts festivs En il rom d in concert festiv han chors u cuminanzas da chors la pussaivladad da sa preschentar cun in project special. Il CO Meiringen fa la selecziun tenor las annunzias inoltradas. Ils chors u las cuminanzas da chors elegids han a disposiziun in temp da chantar en durant 45 minutas en in local separà. Ina curta emprova da plazzament da 10 minutas sin la tribuna è pussaivla. Il concert cuzza maximal 20 minutas. Igl è a disposiziun in clavazin u in ala, dentant nagin implant d amplifitgar il tun. L organisatur sa participescha cun frs vi da las spesas per mintga chor elegì. 6. Concerts da scuntrada Ils chors e cuminanzas da chors che sa participeschan a la Festa svizra da chant han la pussaivladad da realisar in concert da scuntrada cun in auter chor, cuminanza da chor u in autra gruppaziun cun activitad culturala. Per quest intent ha mintga formaziun a disposiziun in temp d emprova da 45 minutas en in local separà cun in instrument a tastas. Il concert cuzza maximal 20 minutas. Igl è a disposiziun in clavazin acustic, ina ala ed in set da percussiun, dentant nagin implant d amplificar il tun. Emprovas da plazzament sin la tribuna n èn betg pussaivlas. 7. Ateliers, lieus da tuns, occurrenzas generalas, inslas sonoras, matinadas Ils participants èn envidads da sa participar ad ateliers, lieus sonors ed autras occurrenzas generalas u da visitar talas. Sin l areal da festa èn a disposiziun inslas sonoras per il chant liber. Era ordaifer questas inslas po e duai vegnir chantà spontan e da tuttas uras. 8. Songbook Tut ils participants annunziads creschids e giuvenils cumpran il songbook da l USC per il prezi spezial da frs. 5. (prezi da butia ca. frs. 25. ). 9a. Registraziuns/dretgs d autur Durant l entira Festa svizra da chant 2015 han l USC ed il CO Festa svizra da chant 2015 il dretg senza indemnisaziuns da far registraziuns da tun e maletgs. Ils documents da tun restan en possess da l USC. Il CO Meiringen ha il dretg sin questas registraziuns. I restan resalvadas las disposiziun da la SUISA. 9b. Notas/dretgs d autur Il chor è respunsabel per eventualas pretensiuns da dretgs d autur. 10. Disposiziun finala En cas da malsegirtads vala la versiun tudestga da quest reglament da festa.
Related Search
We Need Your Support
Thank you for visiting our website and your interest in our free products and services. We are nonprofit website to share and download documents. To the running of this website, we need your help to support us.

Thanks to everyone for your continued support.

No, Thanks